Futzal bo‘yicha JCh-2024. O‘zbekiston Paragvay bilan o‘yinda mag‘lubiyatga uchradi

Paragvayliklar birinchi bo‘limda darvozamizga ikkita gol urgan bo‘lishsa, ikkinchi bo‘limda hisobni 4:0 ga yetkazishdi. 36-daqiqada Husniddin Nishonov hisobni biroz qisqartira oldi, xolos – 1:4.

Shu tariqa, Paragvay 6 ochko bilan guruhdan peshqadam sifatida keyingi bosqichga yo‘llanma olishni naqd qildi. O‘zbekiston hisobida 1 ochko bo‘lsa, Niderlandiya 2 ochkoga ega, Kosta-Rikada bir ochko mavjud. Xose Venansio Lopes shogirdlari 3-turda 20 sentabr kuni Kosta-Rikaga qarshi parketga tushadi. Vakillarimizda keyingi bosqichga chiqish uchun imkoniyat saqlanib turibdi.

«A» guruhi. 2-tur

O‘zbekiston – Paragvay – 1:4

Gollar: Xorxe Espinosa 16 (0:1), Arnaldo Bayes 17 (0:2), Fransisko Martines 24 (0:3), Adolfo Salas 26 (0:4), Husniddin Nishonov 36 (1:4).

O‘zbekiston: 12.Abbos Elmurodov, 4.Ixtiyor Ropiyev, 6.Ilhom Hamroyev, 8.Husniddin Nishonov, 9.Elbek To‘lqinov.

Zaxira: 1.Sunnat Anvarov, 2.Fazliddin Botirov, 3.Mashrab Odilov, 5.Muzaffar Ahadjonov, 7.Anasxon Rahmatov, 10.Akbar Usmonov, 11.Abror Ahmetzyanov, 13.Mehroj Xudoyberdiyev, 14.Samariddin Berkinov.

Paragvay: 12.Giovanni Gonsales, 4.Emerson Mendes, 7.Adolfo Salas, 10.Arnaldo Bayes, 11.Fransisko Martines.

Zaxira: 1.Igor Insfran, 2.Alan Roxas, 3.Damyan Maresko, 5.Marsio Ramires, 6.Lukas Suares, 8.Pedro Paskottini, 9.Ugo Martines, 13.Aldo Amarilya, 14.Xorxe Espinosa.