Qoʻshimcha funksionallar
-
Tungi ko‘rinish
Samarqandda 1 tup tutni kesgan fuqaro 75 mln so‘m to‘laydigan bo‘ldi
Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi Toyloq tuman bo‘limi tomonidan navbatdagi nazorat reyd tadbirlari o‘tkazildi.
Foto: Ekologiya vazirligi
Ekologiya vazirligi xabariga ko‘ra, reyd davomida tumanning “Xo‘jayuz” MFY hududida fuqaro U.Z. tomonidan tegishli ruxsatlarsiz sog‘lom 1 tup tut daraxti kesib tashlanganligi ma’lum bo‘ldi. Natijada tabiatga 71 mln 250 ming so‘m zarar yetkazilgan.
Holat yuzasidan huquqbuzarga nisbatan Ma’muriy jinoyat kodeksining 79-moddasi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) 1-qismi bilan ma’muriy bayonnoma rasmiylashtirildi.
U BHMning 10 baravari — 3 million 750 ming so‘m miqdorida jarimaga tortildi. Huquqbuzar qilmishi uchun jami 75 million so‘m to‘laydigan bo‘ldi.
Mavzuga oid
09:28 / 08.11.2024
Samarqandga 100 ta elektrobus olib kelinadi
10:53 / 07.11.2024
Misr Samarqand viloyati tuman va shaharlarida suv ta’minoti tizimini modernizatsiya qilishi mumkin
21:44 / 01.11.2024
Samarqandda avtobus salonini ayollar va erkaklar uchun ajratgan haydovchiga chora ko‘rildi
11:44 / 31.10.2024