O‘zbekiston va Ummon davlat xizmati uchun kadrlar tayyorlash bo‘yicha hamkorlik qiladi

O‘zbekiston diplomatik missiya rahbariyati Ummon mehnat vaziri Maxad Baavin bilan uchrashuv o‘tkazdi.

Foto: Dunyo

Muloqot chog‘ida Ummon tomoni O‘zbekistonda olib borilayotgan keng qamrovli islohotlar, ikki davlat o‘rtasidagi munosabatlarning holati bilan tanishtirildi.

O‘zbekiston—Ummon aloqalarini rivojlantirish doirasida, jumladan, davlat xizmati uchun kadrlarni tayyorlash sohasida hamkorlik qilish va ushbu yo‘nalishda tajriba almashish ikki tomonlama munosabatlar rivojida muhim ahamiyat kasb etishi ta’kidlandi.

Tomonlar soha mutaxassislarining o‘zaro tashriflarini tashkil etish masalalari haqida ham fikr almashdi.