Toshkent viloyati hokimiga yangi o‘rinbosar tayinlandi
Yangiyo‘l tumani hokimi o‘rinbosari - oila va xotin-qizlar bo‘limi boshlig‘i lavozimida ishlab kelgan Nilufar Normirzayeva Toshkent viloyati hokimi o‘rinbosari etib tayinlandi.

Foto: Toshkent viloyati hokimligi
Nilufar Normirzayeva Toshkent viloyati hokimi o‘rinbosari — oila va xotin-qizlar boshqarmasi boshlig‘i etib tayinlandi. Bu haqda viloyat hokimligi matbuot xizmati xabar berdi.
Nilufar Normirzayeva 1976 yil Toshkent viloyati Yangiyo‘l shahrida tug‘ilgan. Ma’lumoti oliy. Mutaxassisligi — musiqa o‘qituvchisi, milliy g‘oya, ma’naviyat asoslari va huquq ta’limi.
U faoliyati davomida Yangiyo‘l tumani hokimligining bir qator mas’ul lavozimlarida faoliyat olib borgan.
Tayinlovga qadar, Yangiyo‘l tumani hokimi o‘rinbosari — oila va xotin-qizlar bo‘limi boshlig‘i vazifasida ishlab kelayotgan edi.
Oktyabr o‘rtalarida Otabek Tursunov Toshkent viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya bosh boshqarmasi boshlig‘i etib, dekabr boshlarida esa Xurshid Qoraboyev viloyat hokimining qishloq va suv xo‘jaligi masalalari bo‘yicha o‘rinbosari lavozimiga tayinlangan edi.
Mavzuga oid

15:52 / 01.04.2025
Toshkent viloyatida Howo, “ZIL”, Cobalt va Nexia to‘qnashdi

23:07 / 25.03.2025
Toshkent viloyatining ba’zi hududlarida qor ko‘chish xavfi e’lon qilindi

16:25 / 20.03.2025
Milliy tibbiyot markazida komadagi bemorga jigar ko‘chirib o‘tkazildi

20:30 / 18.03.2025