Elisa kompaniyasi Finlandiya va Estoniya o‘rtasidagi kabellarni ta’mirladi

Elisa Eesti AS kompaniyasining Finlandiya va Estoniya o‘rtasidagi 2024 yil oxirida shikastlangan ikkita suvosti kabeli ta’mirlandi. Bu haqda 6 yanvar, dushanba kuni Finlyandiyaning yle axborot agentligi xabar berdi. Kompaniya vakillarining so‘zlariga ko‘ra, ishlarni yakunlash sanasiga ob-havo sharoiti ta’sir ko‘rsatgan. Elisa'dan ta’kidlanganidek, zarar har ikki mamlakatda taqdim etilgan telekommunikatsiya xizmatlariga ta’sir qilmagan.

Estoniya va Finlandiya o‘rtasidagi uchta aloqa kabeliga zarar yetkazildi

ERR portalining 26 dekabr kuni xabar berishicha, Finlandiya ko‘rfazida Estoniya va Finlandiya o‘rtasidagi uchta aloqa kabeli shikastlangan. «Chorshanba kuni kechqurun Elisa Eesti AS va CITIC Telecom CPC Iste’molchilar huquqlarini himoya qilish va texnik tartibga solish departamenti (TTJA)ga Estoniya va Finlandiya o‘rtasida suvosti kabellaridagi uzilishlar haqida xabar berishdi», — deyiladi nashrda.

Texnik nazorat bo‘limi ma’lumotlariga ko‘ra, Elisa konserniga tegishli ikkita aloqa kabeli uzilgan va CITIC Telecom kompaniyasiga tegishli bitta aloqa kabeli shikastlangan. «Ayni paytda uzilishlar sabablari noma’lum, ammo kabel egalari ularni ta’mirlash ustida ishlamoqda va bu foydalanuvchilarga ta’sir qilmadi», degandi Estoniya Iqtisodiy ishlar va kommunikatsiyalar vazirligi matbuot kotibi Laura Laaster.