Samarqand shahrida bir kunda 5 erkak vafot etdi. Ular aroqdan zaharlangani taxmin qilinmoqda
Vafot etganlar shaharning Nurafshon, Shukrona va Madaniyat mahallasida istiqomat qilgan. Ularning eng kichigi 39 va eng kattasi 72 yoshda bo‘lgan. Marhumlarning 4 nafari uyida, biri shifoxonada vafot etgan.

Foto: Kun.uz
Ijtimoiy tarmoqlarda Samarqand shahrida 13 kishi qo‘lbola aroqdan zaharlanib vafot etgani haqidagi xabarlar tarqaldi. Kun.uz holatga aniqlik kiritish maqsadida Bosh prokuratura axborot xizmati rahbari Hayot Shamsuddinov bilan bog‘landi.
Uning tahririyatga bergan dastlabki ma’lumotiga ko‘ra, 11 yanvar kuni Samarqand shahrida 5 kishi vafot etgan. Ular shaharning Nurafshon mahallasida yashovchi 63 yoshli A.M., 50 yoshli J.B., Shukrona mahallasida yashovchi 72 yoshli V.B., 56 yoshli A.U. hamda Madaniyat mahallasida yashovchi 39 yoshli O.T. bo‘lgan.
Marhumlarning 4 nafari o‘z yashash xonadonida, biri esa shifoxonada vafot etgan. Ularning aksariyati spirtli ichimlikka ruju qo‘ygan shaxslar bo‘lgani bildirilgan.
Qayd etilishicha, ayni paytda holat yuzasidan tergovga qadar tekshiruv harakatlari olib borilmoqda. Marhumlarning o‘limi sababini aniqlash uchun ekspertiza tayinlangan.
Avvalroq Andijonda 5 kishi spirtli ichimlikdan zaharlanib vafot etgandi.
Mavzuga oid

23:20 / 22.04.2025
Rossiya tashqi ishlar vaziri Sergey Lavrov Samarqandga keldi

19:46 / 22.04.2025
Gurbanguli Berdimuhamedov 23 aprel kuni Samarqandga keladi

10:53 / 22.04.2025
Jomboy tumani FVB boshlig‘i pora bilan ushlandi

17:56 / 18.04.2025