Litva Bundesver bazasini qurish uchun yordam so‘radi
2027 yilgacha Litvadagi Bundesver bazasida 5000 nafargacha askar joylashtiriladi. Vilnyus uni qurish uchun Yevropa investitsiya bankidan yordam so‘radi.

Foto: Janis Laizans/REUTERS
Litva hukumati Yevropa investitsiya banki (YeIB)dan o‘z hududida Bundesver harbiy bazasini qurish uchun moliyaviy yordam so‘radi. Litva hukumati hozirgina tegishli arizani topshirdi, dedi YeIB rahbari Nadiya Kalvino Germaniyaning Süddeutsche Zeitung gazetasiga 17 fevral, dushanba kuni bergan intervyusida.
Uning so‘zlariga ko‘ra, gap Belarus bilan chegara yaqinidagi Rudninkayda Bundesverning yangi brigadasi uchun harbiy baza yaratish haqida ketmoqda. Yevropa investitsiya banki allaqachon arizani o‘rganishni boshladi, deya qo‘shimcha qildi Kalvino.
Suddeutsche Zeitung qayd etganidek, Germaniya hukumati Litvada harbiy bazani joylashtirish uchun 10 milliarddan ortiq mablag‘ sarflaydi, Litva esa 1 milliard yevroga yaqin sarmoya kiritmoqchi.
Litvada 5000 gacha Bundesver xizmatchilari
Rossiyaning Ukrainaga qarshi urushi tufayli Yevropadagi xavfsizlik holati o‘zgargani fonida Germaniya hukumati Litvada jangovar va avtonom jangovar bo‘linma joylashtirishga va’da berdi. Brigada 2027 yilga qadar to‘liq joylashtirishga tayyor bo‘lishi kerak. Rudninkay va Ruklada 5000 nafargacha Bundesver xodimlarining (4800 nafar harbiy xizmatchi va 200 nafar yordamchi xodim) doimiy bo‘lishi rejalashtirilgan. Brigada tank va mexanizatsiyalashgan piyodalar bataloniga asoslanadi.
Germaniya mudofaa vaziri Boris Pistorius Litva parlamentida so‘zlagan nutqida Bundesver Rossiyaning Yevropadagi tajovuzkorligini ushlab turish uchun asosiy tayanch bo‘lishga tayyorligini bildirdi. «Biz Yevropadagi logistika markazi sifatida o‘z mas’uliyatimizni tan olamiz, agar kerak bo‘lsa, qo‘shinlar Atlantikadan sharqiy qanotga tezlik bilan harakatlanishini ta’minlaymiz», dedi u 2024 yil sentabr oyida. Yanvar oyida Bundestag Bundesverning Litvadagi missiyasi to‘g‘risidagi qonunni ma’qulladi.
Mavzuga oid

15:31 / 16.04.2025
Yevropa Ittifoqi mayda tangalardan voz kechmoqda

15:03 / 10.04.2025
Bundesver 2029 yilgacha Starlink analogini ishlab chiqishni rejalashtirmoqda

21:58 / 01.04.2025
Litvada o‘lgan amerikaliklar: qutqarish amaliyoti xalqaro operatsiyaga aylanib ketdi

20:21 / 01.04.2025