Kiyev: Rossiya qurolli kuchlari Ukrainaga yirik havo hujumini amalga oshirmoqda

Rossiya qurolli kuchlari yana Ukrainaga yirik havo hujumini amalga oshirmoqda. Ukraina harbiy-havo kuchlari 20 mart, payshanbaga o‘tar kechasi bir qator yo‘nalishlardan dronlarning harakatlanishi haqida xabar berdi.

Shu tariqa, Kirovoxrad oblasti davlat ma’muriyati rahbari Andrey Raykovich Telegramʼda mamlakat markazidagi Kropivnitskiy eng katta hujumni boshidan kechirganini yozdi – xususiy sektor, ko‘p qavatli uylar zarar ko‘rgan, yaradorlar bor, ular orasida bola ham bor. Shifokorlar bir nechta operatsiyalarni amalga oshirdilar. Raykovichning so‘zlariga ko‘ra, ayniqsa, Novonikolayevka va Balashovka mikrorayonlari hujumga uchragan. Tezkor shtab yig‘ilishi bo‘lib o‘tdi, ertalab shaharning barcha kommunal xizmatlari oqibatlarni bartaraf etish ustida ish olib boradi.

Xarkiv oblasti harbiy ma’muriyati rahbari Oleg Sinegubovning 19 mart kuni ma’lum qilishicha, Rossiya qurolli kuchlari aviatsiyadan foydalangan holda Kupyanskka zarbalar bergan.

Sinegubovning so‘zlariga ko‘ra, bir necha soat ichida shaharga 20 dan ortiq boshqariladigan havo bombalari tashlangan.

Zelenskiy: Rossiya Ukraina infratuzilmasiga hujum qilishda davom etmoqda

«Hozir ko‘plab mintaqalarda Rossiyaga aslida nima kerakligi eshitilmoqda. 40 ga yaqin "shahedlar" osmonimizda, HHM ishlamoqda», deb yozdi Ukraina prezidenti Volodimir Zelenskiy 19 martga o‘tar kechasi Kreml Rossiya prezidenti Vladimir Putin Oq uy rahbari Donald Trampning Rossiya va Ukraina 30 kun energetika tizimiga zarba berishdan voz kechgani haqidagi taklifini qo‘llab-quvvatlagi to‘g‘risidagi bayonotidan keyin.

Zelenskiy, shuningdek, «ayniqsa, fuqarolik infratuzilmasiga» zarbalar haqida xabar berdi. «Sumidagi kasalxonaga "shahed" tomonidan to‘g‘ridan to‘g‘ri zarba berildi, Donetsk oblastidagi shaharlarga zarbalar, hujumkor dronlar hozirda Kiyev, Jitomir, Sumi, Chernixiv, Poltava, Xarkiv, Kirovohrad, Dnipropetrovsk va Cherkassk viloyatlari osmonida», deb yozdi u.

Ukraina prezidenti Rossiyaga qarshi yangi sanksiyalar qo‘llash, Ukrainaga ko‘proq yordam ko‘rsatish, «ittifoqchilarni mustahkamlash» va to‘rt yildan buyon o‘zini Rossiya harbiy agressiyasidan himoya qilib kelayotgan o‘z mamlakati uchun xavfsizlik kafolatlari ustida ish olib borishga chaqirdi. «Bugun Putin o‘t ochishni to‘liq to‘xtatish bo‘yicha taklifni amalda rad etdi. Butun dunyo Putinning urushni uzaytirish bo‘yicha har qanday urinishlarini rad etishi to‘g‘ri bo‘lardi», — qo‘shimcha qildi Zelenskiy.