Toshkent viloyatida Howo, “ZIL”, Cobalt va Nexia to‘qnashdi

Foto: Kun.uz
Ohangaron tumanida 1 aprel kuni yuz bergan yo‘l-transport hodisasi bo‘yicha rasmiy ma’lumot berildi. Toshkent viloyati IIBB YHXB xabariga ko‘ra, hodisa taxminan 08:00 larda A373 “Toshkent—O‘sh” avtomobil yo‘lining 34-kilometrida yuz bergan.
Yo‘l-transport hodisasi Howo va “ZIL” yuk mashinalari hamda Cobalt va Nexia yengil mashinalari ishtirokida yuz bergan.
“Ushbu yo‘l-transport hodisasi natijasida harakat ishtirokchilari sog‘lig‘iga ziyon yetmagan. Transport vositalari texnik shikastlangan”, — deyiladi idora xabarida.
Hozirda holat yuzasidan Ohangaron tumani IIB YHXB tomonidan surishtiruv ishlari olib borilayotgani qo‘shimcha qilingan.
Avvalroq Kun.uz manbasi mazkur yo‘l-transport hodisasida taxminan 9 ta mashinaga zarar yetgan bo‘lishi mumkinligi, shuningdek, qurbonlar ham bo‘lishi ehtimoli haqida xabar bergandi.
Mavzuga oid

12:03 / 19.04.2025
“120 tezlikda tormoz ishlamay qoldi” – Namanganda ikki o‘quvchi ijaraga olingan Spark’da YTHga uchradi

23:28 / 18.04.2025
Toshkent viloyatidagi ba’zi yo‘llarda ruxsat etilgan tezlik 80 km/soatgacha cheklandi

21:44 / 17.04.2025
Namanganda “biznes”ga aylanayotgan “yezda” va halok bo‘layotgan bolalar: mas’ullar nazoratni yo‘qotdimi?

08:20 / 17.04.2025