Jahon | 08:49 / 03.04.2025
8854
1 daqiqa o‘qiladi

«Yangi pandemiya dunyoda hatto ertagayoq boshlanishi mumkin» - JSST bosh direktori

Yangi pandemiya dunyoda hatto «ertaga» boshlanishi mumkin. Unga qarshi samarali kurash olib borish uchun jahon mamlakatlari tegishli xalqaro kelishuv tuzishi kerak. Bu haqda Butunjahon sog‘liqni saqlash tashkiloti (JSST) bosh direktori Tedros Adanom Gebreyyesus bayonot berdi.

Foto: Reuters

«COVID-19 pandemiyasi hozirda bizga uzoqda qolib ketgan, unutilgan xotiradek tuyulmoqda. Uni jahondagi mojarolar, geosiyosiy va iqtisodiy silkinishlar soyaga solib qo‘ydi. Lekin keyingi pandemiya shunchaki kutib turmaydi. U 20 yildan keyin ham sodir bo‘lishi mumkin, yoki hatto ertagayoq yuzaga kelishi mumkin. Biz tayyor bo‘lishimiz kerak», — dedi Tedros Adanom Gebreyyesus.

Bosh direktor davlatlarni JSSTning pandemiya to‘g‘risidagi kelishuvini yakunlash jarayoniga faolroq jalb etilishga chaqirdi. U ta’kidlashicha, agar mamlakatlar alohida-alohida harakat qilsa, u holda global sog‘liqni saqlash xavfsizligiga erishishning iloji bo‘lmaydi.

Mavzuga oid