So‘nggi 5 yilda narxi eng kam pastlagan likvid avtomobillar sanaldi
Avtomobil tanlashda ko‘pincha ahamiyat berilishi lozim bo‘lgan parametrlardan biri - uning likvidligi. Ayrim mashinalar yillar o‘tishi bilan tezda o‘z narxini yo‘qota boshlasa, boshqalari, aksincha, haydalganidan keyin ham o‘z qiymatini yaxshi saqlab qoladi.

Foto: newsroom.porsche.com
Amerikaning iSeeCars sayti bozordagi eng likvid avtomobillarni aniqladi.
Tadqiqot doirasida 5 yillikdan katta bo‘lmagan 800 mingdan ortiq haydalgan avtomobil e’lonlari tahlil qilindi va ular qay darajada arzonlashgani o‘rganildi.
Bu borada o‘rtacha ko‘rsatkich 45,6 foizni tashkil qildi — bu esa COVID-19 pandemiyasi sabab mashinalar keskin qimmatlashgan davrdan keyin bozor asta-sekin o‘sha darajaga qaytayotganini anglatadi. Solishtirish uchun: 2019 yilda 5 yil haydalgan mashinalar orasida o‘rtacha narx yo‘qotish 49,6 foizni, 2023 yilda esa 38,8 foizni tashkil etgan edi.
Mutaxassislarning ta’kidlashicha, eng tez arzonlashadigan mashinalar — elektromobillar. Ular 5 yilda o‘rtacha 58,8 foizga arzonlashadi. Aksincha, gibrid avtomobillar o‘z qiymatini yaxshi saqlaydi — ularda bu ko‘rsatkich 40,7 foiz atrofida.
Tadqiqotda aniqlanishicha, eng likvid mashinalar — sportkarlar va Toyota modellaridir. Reytingning eng yuqori o‘rinlarini ham aynan ular egalladi. Qiymat yo‘qotishi bo‘yicha eng yaxshi ko‘rsatkich Porsche 911 (19,5 foiz) va Porsche 718 Cayman (21,8 foiz) ga to‘g‘ri kelgan.
Eng likvid zamonaviy avtomobillar esa quyidagilar:
· Porsche 911 — 5 yilda 19,5 foiz qiymat yo‘qotgan, 24 ming 428 dollar.
· Porsche 718 Cayman — 21,8 foiz ($15 581)
· Toyota Tacoma — 26 foiz ($8 217)
· Chevrolet Corvette — 27,2 foiz ($18 557)
· Honda Civic — 28 foiz ($6 987)
· Chevrolet Camaro — 28 foiz ($8 653)
· Toyota Tundra — 29,1 foiz ($11 659)
· Ford Mustang — 29,2 foiz ($9 325)
· Porsche 718 Boxster — 29,6 foiz ($22 155)
· Toyota Corolla Hatchback — 30,1 foiz ($7 156)
· Subaru BRZ — 30,2 foiz ($9 424)
· Toyota RAV4 — 30,9% ($9 233)
· Toyota 4Runner — 31,3 foiz ($12 753)
· Toyota Corolla Sedan — 31,4% ($7 004)
· Subaru Crosstrek — 33 foiz ($8 511)
Mavzuga oid

09:00 / 07.04.2025
2025 yil uchun eng ishonchli avtomobillar e’lon qilindi: ular orasida Tahoe ham bor

18:02 / 05.04.2025
“Shu ketish bo‘lsa, soha o‘ladi” - avtomobil importchisi va avtodeklarant bilan suhbat

08:43 / 03.04.2025
2 oyda xorijdan qancha yengil avtomobil import qilingani aytildi

20:13 / 02.04.2025