Zelenskiy: Hujumlar ko‘payganini hisobga olsak, Rossiyaga bosim yetarli emas
Ukraina prezidenti dunyo Rossiya o‘qqa tutishiga yetarlicha javob bermayotganini tanqid qildi. «Rossiya o‘zining asl niyatini ko‘rsatmoqda – dunyo ruxsat berguncha terrorni davom ettirish», - dedi Zelenskiy.

Foto: Telegram / V_Zelenskiy_official
Rossiyaga bosim «hali yetarli emas» va Rossiyaning Ukrainaga har kungi zarbalari buni isbotlamoqda. Ukraina prezidenti Volodimir Zelenskiy 6 aprel, yakshanba kuni Telegramʼda bunga ishonch bildirdi.
Ukraina rahbari Kiyevga ballistik zarbalar berilganini, Kiyev viloyatiga uchuvchisiz uchoqlar tomonidan berilgan zarbalar, Mikolayiv, Sumi, Xarkiv, Xmelnitskiy va Cherkassk viloyatlariga qilingan hujumlarni esladi. «Havo hujumlari soni ortib bormoqda. Rossiya o‘zining haqiqiy niyatini mana shunday ko‘rsatmoqda — dunyo imkon berguncha terrorni davom ettirish», — deya ta’kidladi Zelenskiy.
O‘tgan haftada Ukrainada 1460 dan ortiq boshqariladigan havo bombalari, qariyb 670 ta hujumkor uchuvchisiz uchoqlar va 30 dan ortiq turli turdagi raketalar uchirildi, ularning yigirmadan ortig‘i 6 aprelga o‘tar kechasi uchirilgan. «Ular (Rossiya qurolli kuchlari) o‘yin maydonchalarida o‘ynayotgan bolalarga qarshi kurashmoqda», — deb yozdi Ukraina prezidenti Rossiyaning Kriviy Rigga bergan zarbalari, hujum natijasida kamida to‘qqiz nafar voyaga yetmaganlar halok bo‘lganini nazarda tutib.
Mavzuga oid

10:47
Prezident yana bir bor Ukraina, Yaqin Sharq va Afg‘oniston masalasiga e’tibor qaratdi

17:59 / 06.04.2025
Kiyev raketalar hujumiga uchradi

08:51 / 06.04.2025
Rossiya Kriviy Rihga raketa zarbasi yo‘lladi – fotolar

21:08 / 05.04.2025