Qoʻshimcha funksionallar
-
Tungi ko‘rinish
«Real» Karlo Anchelotti ketishini e’lon qildi
Italiyalik mutaxassis «Real» bosh murabbiyi sifatidagi so‘nggi o‘yinni 24 may kuni Ispaniya chempionati oxirgi turi doirasida «Real Sosedad»ga qarshi Madridda o‘tkazadi.
Foto: Getty images
Karlo Anchelotti Madridning «Real» klubi bosh murabbiyi lavozimini tark etadi. Tegishli bayonot klub rasmiy saytida e’lon qilindi.
Italiyalik mutaxassis «Real» bosh murabbiyi sifatidagi so‘nggi o‘yinni 24 may kuni Ispaniya chempionati oxirgi turi doirasida «Real Sosedad»ga qarshi Madridda o‘tkazadi.
«Karlo Anchelotti «Real» abadiy tarixining bir qismi bo‘lib qoladi. Biz unga ajoyib yutuqlari va klub qadriyatlarining benuqson timsoli uchun minnatdorchilik bildiramiz», dedi klub prezidenti Florentino Peres.
65 yoshli Anchelotti 2021 yildan buyon «Real»ni boshqarmoqda, bungacha klubda 2013 yildan 2015 yilgacha ishlagan. Uning rahbarligida jamoa uch marta Chempionlar Ligasi, ikki marta Ispaniya chempioni bo‘lgan, shuningdek, boshqa ko‘plab sovrinlarni qo‘lga kiritgan, jumladan, klublar o‘rtasidagi jahon chempionati va UYeFA Superkubogini. U 15 ta sovrin bilan «Real» tarixidagi eng muvaffaqiyatli murabbiy hisoblanadi.
Avvalroq, Braziliya futbol konfederatsiyasi (CBF) Anchelotti milliy jamoaga bosh murabbiy etib tayinlanganini e’lon qilgan edi.
Oldinroq, ommaviy axborot vositalari ispaniyalik Xabi Alonso «Real»ning yangi bosh murabbiyi bo‘lishi haqida yozgan edi.
Mavzuga oid
19:12 / 18.05.2025
«Cho‘ksang kattaroq dengizda cho‘k». Gulerning onasi, Madriddagi sarguzashtlari va zilziladan omon qolgan muxlisi haqidagi hikoyasi
20:37 / 12.05.2025
Karlo Anchelotti Braziliya milliy jamoasiga bosh murabbiy bo‘ldi
16:39 / 27.04.2025
«Real»dan nihoyat munosib qarshilik. Anchelotti o‘yinni qanday o‘zgartirdi?
12:45 / 27.04.2025