O‘zbek "Klichko"si muxlislardan uzr so‘radi

Rio-2016 Olimpiadasining boks bo‘yicha 91 kilogrammdan yuqori bo‘lgan vazn toifasida O‘zbekiston sha'nini himoya qilgan bokschi Bahodir Jalolov o‘z instagram sahifasi orqali o‘zbekistonlik muxlislardan uzr so‘radi.

Bokschi “Alloh sabrli kishilarni yaxshi ko‘radi" degan so‘zlar bitilgan rasmga izoh tariqasida ushbu so‘zlarni yozdi:

“Hamma o‘zbek xalqidan ming bor uzr so‘rayman. Meni shuncha qo‘llab-quvvatlab turdingiz. Ishonchlaringni oqlay olmadim. Xudo xohlasa, albatta chempion bo‘lib sizlarni xursand qilaman”.