Kun fotosi: Las-Vegasda Klinton va Trampning samolyotlari «uchrashdi»

AQSh prezidentligiga nomzod Donald Tramp va Hillari Klintonning samolyotlari uchinchi — hal qiluvchi debatlar arafasida Las-Vegas aeroportida bir vaqtda paydo bo‘ldi.

The Daily Mail’ning yozishicha, samolyotlar bir vaqtda qo‘nmagan bo‘lsada, bitta turargohdan joy olgan.

Suratdagi qora samolyot — milliarder Donald Trampning shaxsan o‘ziga tegishli bo‘lib, bu avialayner dunyodagi eng qimmat laynerlardan biri sanaladi.

Trampning samolyoti narxi 100 mln dollar bo‘lib, suratda u Klinton kelgan samolyotdan ikki barobar qimmatbahodek ko‘rinadi. Demokrat nomzodning samolyoti esa ijaraga olingan bo‘lib, uning narxi - 96 mln dollar.

Las-Vegasdagi uchinchi raund Toshkent vaqti bilan 20 oktabr kuni soat 6:00da boshlanadi.