Filippin prezidenti Tramp o‘ziga o‘xshashini aytdi

Filippinning so‘kong‘ich prezidenti Rodrigo Duterte AQSh prezidenti saylovida g‘olib chiqqan Donald Tramp va o‘zi o‘rtasida o‘xshashlik borligini qayd etdi.

Filippinliklar yetakchisining aytishicha, u va Tramp ba'zi masalalarga bir xil yondashadi.

«Biz ikkimiz ham so‘kinishni yoqtiramiz. Biron pastkashlikni ko‘rdikmi, biz darhol so‘kishga tushamiz. Biz bir xilmiz», — deya Dutertening so‘zlarini keltirgan CNN.

Rodrigo Duterte amerikaliklarning hozirgi prezidenti Barak Obamani haqoratlab so‘kong‘ich prezident sifatida mashhurlashgandi. Keyin u boshqa siyosatchilar va atoqli arboblar haqida ham xunuk so‘zlar aytdi. Keyinroq Duterte xudoga so‘kinishni bas qilishga va'da berganini aytdi.