Afg‘onistonda 60 tonna narkotik moddasi qo‘lga olindi

Afg‘oniston hukumati yirik miqdorda narkotik moddalar partiyasi qo‘lga tushirilgani haqida ma'lum qildi. Xak-e-Jabbor tumanida umumiy og‘irligi 60 tonna bo‘lgan gashish va marixuana narkotik moddalari aniqlangan.

Narkotiklar tungi politsiya reydida, turli xil oltita joydan topilgan.

Bu ish bilan bog‘liq hech kim ushlanmagan, jinoyatchilar yashirinishga ulgurgan, deb xabar bermoqda mamlakat IIVda.

Ma'lumot uchun: Afg‘onistonda 1 yil ichida 1,5dan 3,5 ming tonnagacha gashish narkotik moddasi tayyorlanadi.