O‘zbekiston Konstitutsiyaviy sudi tarkibi tasdiqlandi

O‘zbekiston Oliy Majlisi Senatining qarori bilan mamlakat Konstitutsiyaviy sudi tarkibi tasdiqlandi. «O‘zbekiston Respublikasi Konstitutsiyaviy sudini saylash to‘g‘risida»gi Senat qarori matni O‘zAda nashr etildi.

«Quyidagilar: Askarjon Boyisovich Gafurov, Fayzulla Abdulxayevich Kayumov, Baxtiyor Dexqonboyevich Miralimov, Baxtiyor Shamsutdinovich Mirboboyev, Genjyemurat Pirjanov, Qahramon Uljayev O‘zbekiston Respublikasi Konstitutsiyaviy sudining sudyasi lavozimiga saylansin», — deyiladi hujjatda.

Bundan tashqari, Konstitutsiyaviy sud qarori bilan Baxtiyor Shamsutdinovich Mirboboyev Konstitutsiyaviy sud raisi, Askarjon Boyisovich Gafurov rais o‘rinbosari etib saylandi.