Samsung o‘zining ilk moslashuvchan monitorini taqdim etadi

Janubiy Koreyaning Samsung kompaniyasi o‘z muxlislarini zamonaviy matritsa bilan quvontirish arafasida. Yangi devays bir necha kundan keyin AQShdagi kompyuter texnikasi ko‘rgazmasida namoyish qilinadi. Biroq ba'zi texnik tafsilotlar hozirdanoq ma'lum. 

Taqdimot, rejalashtirilganidek, 9-10 yanvar kunlari Las-Vegasdagi  CES 2018 xalqaro elektronika ko‘rgazmasida bo‘lib o‘tadi. 

Yangi Samsung CJ791 monitorida tomonlar nisbati 21:9'ga teng bo‘lgan 34 dyuymli QLED-panel qo‘llangan. Uning o‘lchamlari — 3440×1440 piksel. Mutaxassislar uni ultrakeng deb atashmoqda. U foydalanuvchilarga katta fayllar, ma'lumotlar joylangan jadvallarni ko‘zdan kechirish imkonini beradi.

Ekranning bukma radiusi - 11500 mm. Ranglar ko‘lami qamrovi - sRGB (rang spektrini taqdim etish standarti) 125 foizni tashkil qiladi. Ko‘rish burchagi — 178°.

Ishlab chiqaruvchilar rejasiga ko‘ra, foydalanuvchilar birgina Thunderbolt 3 kabeli yordamida monitorni ortiqcha simlarsiz noutbukka ulashlari mumkin bo‘ladi.

Thunderbolt 3'ga ulanish soniyasiga 40 gigabitgacha  tezlik bilan ta'minlaydi. Bu USB orqali ulanishga nisbatan deyarli to‘rt karra tezroqdir.

Bundan tashqari, Thunderbolt 3 kabeli quvvat manbai sifatida ham xizmat qilishi mumkin. Yuk kuchi imkoni — 85 Vt.