Snoubordchi ko‘chki vaqtida tog‘dan tushishini videoga oldi

Livanlik snoubordchi Tomas Krey ko‘chki vaqtida tog‘dan tushishini videoga oldi. U rolikni Facebook’dagi sahifasida joylashtirgan.

France 3 Regions nashrining xabar berishicha, voqea Frantsuz Alplaridagi kurortda yuz bergan. Video sportchining shlemida o‘rnatilgan kamera yordamida tasvirga olingan. 

Snoubordchini ko‘chkilarga qarshi xavfsizlik yostiqchasi qutqarib qolgan, biroq qurilma darhol ishlab ketmagan. Sportchi o‘zining xatolaridan biri sifatida toqqa bir o‘zi chiqishga qaror qilganini aytgan.

Krey odamlar snoubord bilan shug‘ullanish vaqtida xavfsizlik texnikasiga sinchkov e'tibor berishlari maqsadida ushbu video bilan bo‘lishgan.