Tailandda maktab o‘quvchilari 10 kundan buyon g‘orda qamalib qolmoqda
Tailandda iyun oyi oxirida tog‘dagi ekskursiya chog‘ida yo‘qolib qolgan futbol maktabining 12 nafar o‘quvchisi va ularning o‘qituvchisi g‘orda qamalgancha qolmoqda. «Bi-bi-si» xabariga ko‘ra, ularga yana bir necha oy o‘sha yerda qolish taklif etilgan.
Kuchli yomg‘irlar tufayli g‘orga borish yo‘li to‘silib qolgan va shu tufayli qutqaruvchilar g‘or ichiga yetib bora olishmayapti. Bolalar suv bosgan hududdan suzib o‘tishlari talab etiladi, lekin bu ish juda xavfli va tajribasiz hamda kuchdan qolgan bolalar buni uddalay olmasligi mumkin. Shu tufayli ulardan yomg‘irlar mavsumi yakunlangunicha, sentabr yoki oktabr oyigacha g‘orda qolish so‘ralmoqda.
Suvni boshqa joyga burib yuborish uchun urinishlar muvaffaqiyatsiz yakunlangan.
Agar bolalar g‘orda qolishsa, ular oziq-ovqat va hayot uchun zarur boshqa mahsulotlar bilan ta'minlanadi, ularga shuningdek shifokorlar yuboriladi.
11 yoshdan 16 yoshgacha bo‘lgan bolalar hamda 25 yoshli erkak qidiruv ishlarining to‘qqizinchi kunida topildi. Ular mamlakat shimolidagi Chiangray viloyati hududidagi g‘orga kirishdan 4 kilometr ichkarida aniqlangan. Bu guruh g‘or ichiga kirganida quruq bo‘lgan, ammo tezda yomg‘ir yog‘ib, kirish toshlar bilan to‘silib qolgan.
Mavzuga oid
15:29 / 23.09.2024
Tailandda amaldor 10 yil ishga bormasdan maosh olib kelgani aniqlandi
23:17 / 19.09.2024
Tailandda piton changalida qolib ketgan ayol ikki soatdan keyin qutqarib olindi
10:20 / 13.09.2024
Tailandda kuzatilgan to‘fon oqibatida jabr ko‘rganlar orasida O‘zbekiston fuqarolari yo‘q
22:48 / 06.09.2024