Yakkasaroy tumanining yangi hokimi tadbirkorlar bilan uchrashdi

Joriy yilning 8 oktabr kuni Toshkent shahar Yakkasaroy tumanida “Yakkasaroy kichik sanoat zonasi” DUK majlislar zalida Toshkent shahar prokuraturasi hamda Yakkasaroy tuman hokimligi hamkorligida xo‘jalik yurituvchi sub'yektlar bilan ochiq muloqot bo‘lib o‘tdi.

O‘tkazilgan tadbirda Toshkent shahar prokurorining o‘rinbosari Astanov Samandar Mustafoqulovich, Yakkasaroy tuman hokimi Shamuratov Baxtiyor Abduvaxitovich hamda sektor rahbarlari ishtirok etishdi.

Tadbirni Yakkasaroy tumani hokimi Shamuratov Baxtiyor Abduvaxitovich kirish so‘zi bilan ochib berdi.

Ochiq muloqotda Yakkasaroy tumanida tadbirkorlikni qo‘llab-quvvatlash rivojlantirishda yuzaga kelayotgan masalalar hamda kelgusidagi istiqbolli rejalar to‘g‘risida so‘z yuritildi.

Muloqot mobaynida Yakkasaroy tumanidagi tadbirkorlar tomonidan berilgan savollar va masalalar ochiq tarzda muhokama qilindi.