Poroshenko rossiyalik kuzatuvchilarni saylovlarga kiritmaslikka qaror qildi

Foto: president.gov.ua

Ukraina yetakchisi Pyotr Poroshenkoning ma'lum qilishicha, prezidentlik saylovlari vaqtida rossiyalik kuzatuvchilarni Ukrainaga kiritmaslik haqida davlat chegara xizmatiga buyruq beradi. Bu haqda RIA «Novosti» xabar qilmoqda.

«Siz va Ukraina xalqiga oliy bosh qo‘mondonning buyrug‘i bajarilishini kafolatlayman», - dedi Poroshenko.

Shuningdek, uning eslatishicha, Ukrainada prezidentlik saylovlari 31 mart kuni bo‘lib o‘tadi.

Eslatib o‘tamiz, avvalroq Pyotr Poroshenkoning daromadlari ma'lum bo‘lgandi.

Tayyorlagan Отабек Матназаров

#Ukraina #Pyotr Poroshenko

2019 yilning 31 martida Ukrainada prezidentlik saylovlari o‘tkaziladi. Saylovda ishtirok etish uchun 44 nomzod, shu jumladan mamlakatning amaldagi prezidenti Pyotr Poroshenko hujjat topshirgan.