Bektemir Meliqo‘ziyev navbatdagi raqibini nokautga uchratdi

Havaskor boksda Olimpiada va jahon chempionati sovrindori, Osiyo chempioni bo‘lgan bokschi Kaliforniyada bo‘lib o‘tgan boks kechasida meksikalik Oskar Kortes (27-6, 14 KO) bilan kuch sinashdi.

10 raundga mo‘ljallangan jang birinchi raunddayoq yakuniga yetdi. Meliqo‘ziyev Kortesni raund davomida 2 marta nokdaun holatiga tushirdi, so‘ng uning chap qo‘lda bergan zarbasidan so‘ng referi jangni to‘xtatdi.

🗣 @GrishamFight: "I don't think he's gonna get up ... why would he." pic.twitter.com/Bwn1L2usnX

— DAZN USA (@DAZN_USA) February 15, 2020

Ma'lumot uchun, Bektemir Meliqo‘ziyev bugun Marko Antonio Peribanga qarshi jang qilishi lozim edi. Ammo Periban jangga bir kun qolganida shifoxonaga tushib qoldi va raqibni o‘zgartirishga to‘g‘ri keldi.

Bektemir Meliqo‘ziyev 2019 yilning dekabrida amerikalik Vaugin Aleksanderga (15-4, 9 KO) qarshi jang qilib, 10 raundlik jang yakunida hakamlar qaroriga ko‘ra g‘alaba qozonib, «WBA Continental Americas» kamari sohibiga aylangandi.