Avstriya migrantlar oqimini to‘xtatib turish uchun Gretsiyaga politsiya jo‘natadi

Turkiya Suriyaning Idlibida vaziyat keskinlashganidan so‘ng migrantlar va qochqinlar oqimini to‘xtatib tura olmasligini bildirdi va YeI bilan chegaralarini ochib yubordi.

Foto: Greek government

Avstriya ichki ishlar vaziri Karl Nexammer hukumat migrantlar oqimini to‘xtatib turish uchun Gretsiyaga chegara politsiyasini jo‘natishni rejalashtirayotganini ma'lum qildi.

"E'tiborimizni tashqi chegaralarimizdagi odamlarni to‘xtatishga qaratishimiz shart", - dedi Nexammer OE24 telekanaliga.

Uning so‘zlariga ko‘ra, Gretsiya xavfsizlik xizmatiga "har qanday - kadrlar, moddiy va moliyaviy yordam" zarur.

Turkiya Suriyaning Idlibida vaziyat keskinlashganidan so‘ng migrantlar va qochqinlar oqimini to‘xtatib tura olmasligini bildirdi va YeI bilan chegaralarini ochib yubordi. Shundan keyin minglab migrantlar Gretsiya chegarasiga yetib keldi. Uch kun ichida chegarani noqonuniy kesib o‘tishga bo‘lgan 20 mingga yaqin urinishning oldi olindi.

Tayyorlagan Дилшод Аскаров

#Gretsiya #migratsiya

2019 yil dekabrida Suriya armiyasi Idlibni to‘liq egallash uchun yurish boshladi. Turkiya esa Suriya shimolidagi ittifoqchilarini himoya qilish uchun bu hududdagi kuzatuv postlariga minglab harbiylarini jo‘natdi va ikki tomon o‘rtasida to‘qnashuvlar ro‘y bera boshladi.