Qoʻshimcha funksionallar
-
Tungi ko‘rinish
JSSTning pandemiyaga javoban harakatlarini baholovchi maxsus komissiya tuziladi
Jahon sog‘liqni saqlash tashkiloti uning va davlatlarning koronavirus pandemiyasiga javoban ko‘rayotgan choralari, xatti-harakatlarini baholovchi mustaqil ekspertlar guruhini tuzmoqda. Bu haqda JSST bosh direktori Tedros Adxanom Gebreyyesus tashkilotning194 ta davlatdagi vakillari bilan virtual uchrashuvda ma'lum qildi.
Gebreyyesusning ta'kidlashicha, guruhga Yangi Zelandiyaning sobiq bosh vaziri Xelen Klark va Liberiyaning sobiq prezidenti Ellen Jonson Serlif boshchilik qilishga rozi bo‘lgan. Komissiyaning vakolatlari JSSTga a'zo davlatlar bilan kelishilgan holda ishlab chiqiladi.
Komissiya ilk oraliq hisobotini JSSTga kiruvchi davlatlar sog‘liqni saqlash vazirlarining noyabrda o‘tishi rejalashtirilgan uchrashuviga tayyorlaydi va taqdim qiladi.
“Bu shunchaki “galochka” qo‘yish va so‘ngra javonga chang bosib yotish uchun qo‘yiladigan standart hisobot bo‘lmaydi. Biz bunga o‘ta jiddiy qaramoqdamiz”, deb ishontirgan Gebreyyesus.
Ma'lumki, JSSTning pandemiyaning dastlabki bosqichidagi faoliyati jiddiy tanqidga uchrab keladi. 7 iyulda AQShning JSSTdan chiqishini e'lon qilgan prezident Donald Tramp xalqaro tashkilot pandemiya borasida virus tarqalishi boshlangan Xitoyga nisbatan “o‘ta do‘stona” munosabatda bo‘lganini aytib keladi. JSST esa bu tanqidni rad etmoqda.
Koronavirus
Mavzuga oid
22:58 / 20.05.2025
JSST kelajakdagi pandemiyalarga qarshi kurash bo‘yicha yangi global bitimni tasdiqladi
17:31 / 16.04.2025
JSST kelajakdagi pandemiyalardan himoyalanish rejasini taqdim etadi
08:49 / 03.04.2025
«Yangi pandemiya dunyoda hatto ertagayoq boshlanishi mumkin» - JSST bosh direktori
14:54 / 30.03.2025