Turkmaniston prezidentligiga saylovda Berdimuhamedovning o‘g‘liga raqobatchi paydo bo‘ldi

Mamlakatda navbatdan tashqari prezident saylovi shu yilning 12 mart kuni bo‘lib o‘tadi.

Og‘ajon Bekmurodov / Foto: Videodan kadr

Turkmaniston agrar partiyasi Mariy viloyati rahbari o‘rinbosari Og‘ajon Bekmurodovni bo‘lajak prezident sayloviga nomzod etib ko‘rsatdi. Bu haqda «Sputnik Blijneye Zarubejye» Telegram-kanali xabar berdi.

Bekmurodov 2017 yildan buyon hozirgi lavozimida ishlab kelmoqda.

Shu tarzda amaldagi prezident Gurbanguli Berdimuhamedovning o‘g‘li Serdar Berdimuhamedovga raqobatchi paydo bo‘ldi.

14 fevral kuni Serdar Berdimuhamedov bo‘lajak saylovlarda Turkmaniston demokratik partiyasidan mamlakat prezidentligiga nomzod etib ko‘rsatilgandi.

Serdar 2021 yil fevraldan buyon bosh vazir o‘rinbosari lavozimida ishlab kelmoqda.

#Turkmaniston #prezident saylovi

Turkmanistonni 2007 yildan buyon boshqarib kelayotgan Arqadag‘ nafaqaga chiqadi. Uning o‘g‘li navbatdan tashqari prezidentlik saylovlarida nomzod bo‘ladi.