Ukrainada urush boshidan buyon 115 bola halok bo‘ldi

Rossiya Ukrainaga bostirib kirganidan buyon harbiy harakatlar oqibatida ukrainalik bolalardan 115 nafari halok bo‘lgan va yana 140 bola yaralangan. Bu haqda Ukraina bosh prokurori ofisi xabar berdi.

BMT ma’lumotiga ko‘ra, Ukrainadagi urushda tinch aholi orasidagi qurbonlar soni kamida 847 nafarni tashkil etmoqda, yaralanganlar soni 1399 nafar. Tashkilot haqiqiy raqamlar bundan ancha ko‘p bo‘lishi mumkinligini istisno etmagan.

Xarkov oblasti harbiy ma’muriyati rahbari Olega Sinegubovaning xabar qilishicha, 20 mart kuniga o‘tar kechasi Xarkovda sanoat zonasiga qilingan hujum oqibatida bir erkak va to‘qqiz yoshli bola halok bo‘lgan. Mahalliy politsiya boshlig‘i o‘rinbosari Vyacheslav Markov tinch aholi vakillaridan besh kishi halok bo‘lganini xabar qilgan.