TIV chet el nashrlarining “ig‘vogar” harakatlarini qoralab chiqdi

Rossiya hukumatiga qarashli “Sputnik” nashrining ikkita saytida Belarus prezidenti Aleksandr Lukashenko go‘yoki O‘zbekiston Ittifoq davlatiga qo‘shilishini aytgani haqida dezinformatsiya tarqatildi. Siyosiy xato bir haftadan buyon tuzatilmagach, O‘zbekiston Tashqi ishlar vazirligi “ayrim chet el nashrlari”ning “ig‘vogar” harakatlariga yo‘l qo‘yilmasligini ta’kidlab bayonot berdi.