O‘zbekistonga eng ko‘p Qozog‘iston fuqarolari turistik maqsadda tashrif buyurgan

2022 yilning yanvar-sentabr oylarida 3,6 mln nafar chet el fuqarolari turistik maqsadlarda O‘zbekistonga tashrif buyurgan.    
   
Davlat statistika qo‘mitasi ma’lumotlariga ko‘ra, bu ko‘rsatkich o‘tgan yilning mos davri bilan solishtirilganda 2,5 mln nafarga yoki 3,2 baravarga oshgan.   
   
O‘zbekistonga 9 oyda eng ko‘p Qozog‘iston fuqarolari turistik maqsadda tashrif buyurgan - 1 mln kishi.

Undan keyingi o‘rinlarni mos ravishda 952,1 ming nafar hamda 950,3 ming nafar turist tashrif buyurgan Qirg‘iziston va Tojikiston davlatlari egalladi.

Ushbu ko‘rsatkich boshqa davlatlar kesimida quyidagicha ko‘rinish oldi:

• Rossiya – 395,1 ming nafar;
• Turkiya – 53,3 ming nafar;
• Janubiy Koreya – 13,3 ming nafar;
• Germaniya – 13,5 ming nafar;
• AQSh – 9,8 ming nafar;
• Hindiston – 9,3 ming nafar;
• Fransiya – 8,3 ming nafar;
• Ozarboyjon – 7,3 ming nafar;
• Isroil – 8,4 ming nafar;
• Buyuk Britaniya – 7,7 ming nafar;
• Italiya – 5,9 ming nafar;
• Ispaniya – 4,3 ming nafar;