“Qo‘rqma” - 70 qahramon misolida bugungi avlodga ham oyna tutgan asar

70 qadam, 70 ta iz, 70 mushtarak tilak, 70 armon. Ular haqida ko‘pchilik bilmaydi. Ba’zilar bunday fidoyilar yashab o‘tganini taxmin ham qilib ko‘rmaydi. Tarix kitoblaridagina ikki qator joy ajratilib, ularning 70 nafarligi va ular Germaniyadan qaytgach josus deya gumonlanib, yo‘q qilingani haqida quruqqina yozib qo‘yilgan. Ammo ular butkul unutilgani yo‘q. Oltin zanglamagani singari 70 qorako‘zning qahramonliklari ham osonlikcha unutilmaydi.