Qoʻshimcha funksionallar
-
Tungi ko‘rinish
Toshkentda YTH oqibatida bir kishi halok bo‘ldi
Uchtepa tumanida Cobalt va Captiva mashinalari ishtirokida YTH sodir bo‘ldi. Ikki haydovchi ham shifoxonaga olib ketilgan, bir yo‘lovchi halok bo‘lgan.
Foto: Toshkent shahri YHXB
18 aprel kuni Toshkent shahri Uchtepa tumanida ikkita avtomobil ishtirokida yo‘l-transport hodisasi sodir bo‘ldi. Bu haqda poytaxt YHXB matbuot xizmati xabar bermoqda.
Qayd etilishicha, soat 16:40 da tumanning Kichik halqa avtomobil yo‘li ko‘chasida Cobalt va Captiva mashinalari to‘qnashib ketgan.
YTH oqibatida haydovchilar jarohat bilan shifoxonaga olib ketilgan. Cobalt yo‘lovchisi olgan jarohatlari sababli voqea joyida vafot etgan.
Mazkur holat yuzasidan shahar IIBB Tergov boshqarmasi tomonidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish oqibatida odam o‘lishiga sabab bo‘lish) bilan jinoyat ishi qo‘zg‘atilgan. Tergov davom etmoqda.
Mavzuga oid
19:03
PFL Superliga ramziy termasi e’lon qilinishini YTH qurbonlari xotirasiga bag‘ishladi
15:09
Qashqadaryoda qo‘ylar podasini avtomobil urib yubordi
07:40
Toshkent teleminorasi qarshisida Toyota, Malibu-2 va Cobalt to‘qnashdi
11:38 / 17.11.2024