Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 14:46 / 28.07.2023
    14960
    4 daqiqa o‘qiladi

    Qarshi hujumda qatnashayotgan shifokorlar va dron uchirayotgan harbiylar. Urush suratlari

    Ukrainadagi urushning 519-kuni o‘tdi. Asosiy ma’lumotlar:

    • Vladimir Putin Ukraina qurolli kuchlari Zaporijjya yo‘nalishida harbiy harakatlarni faollashtirganini ma’lum qildi. Ukrainalik harbiylar payshanba kuni kechqurun Zaporijjya va Donetsk oblastlari chegarasidagi Staromayorske qishlog‘ini ozod etishdi.
    • RBK ma’lumotiga ko‘ra, Davlat dumasi deputatlariga mudofaa vaziri Sergey Shoygu va RF Bosh shtabi boshlig‘i Valeriy Gerasimov ruxsatisiz harbiy harakatlar hududiga borish taqiqlangan.
    • Ukrainada harbiy holat muddati uzaytirildi. Oliy rada uchun 18 avgust kuniga belgilangan saylovlar o‘tkazilmaydi. Keyingi parlament saylovlari 2023 yil 29 oktyabrida bo‘lib o‘tishi mumkin.
    • Checheniston IIV 30 yoshga to‘lmaganlarga qarindoshlari guvohligisiz xorijga chiqish pasportlarini bermayapti. Respublikadagilar buni xorijga safar maqsadi «RF manfaatlari»ga xilof kelmasligi kerakligi bilan tushuntirishgan.

    Ukraina QKning Baxmut atrofidagi va Zaporijjya oblastidagi tibbiy punktlari

    Ukrainalik harbiy vrachlar Baxmut atrofidagi tibbiy punktda yarador askarni jarrohlik amaliyotiga tayyorlamoqda
    Diego Herrera Carcedo / Anadolu Agency / ABACAPRESS / ddp images / Vida Press
    Tibbiyot xodimlari yarador ukrain askarini tez yordam mashinasiga chiqarmoqda (surat aynan qayerda olinganiga aniqlik kiritilmagan)
    Reuters / Scanpix / LETA
    Zaporijjya oblastidagi tibbiy punktda yarador askarga yordam ko‘rsatayotgan shifokorlar
    Kateryna Klochko / AP / Scanpix / LETA
    Ukraina QKning Zaporijjya oblastidagi tibbiy punkti
    Kateryna Klochko / AP / Scanpix / LETA
    Zaporijjya oblastidagi tibbiy punktda yarador askarni davolayotgan shifokor
    Kateryna Klochko / AP / Scanpix / LETA
    Harbiy shifokorlar ukrainalik jangchi jasadini ko‘zdan kechirmoqda (surat aynan qayerda olinganiga aniqlik kiritilmagan)
    Reuters / Scanpix / LETA

    Xerson yaqinidagi ukrain harbiylari

     

    Ukrainalik jangchi dron uchirishga tayyorlanmoqda. Xerson oblasti kengashi raisi o‘rinbosari Yuriy Sobolevskiyning so‘zlariga ko‘ra, ukrain harbiylarining muvaffaqiyatlari tufayli RF armiyasi Xerson oblastining Ukraina qurolli kuchlari nazoratidagi o‘ng sohilini o‘qqa tutishni kamaytirgan. Shu bilan birga, 27 iyul kuni oblast harbiy ma’muriyati Rossiya qo‘shini Xersondan yuz kilometr masofadagi Gavrilovka qishlog‘ini o‘qqa tutgani — bir ayol halok bo‘lib, tinch aholi vakillaridan to‘rt kishi yaralanganini xabar qildi. RF mudofaa vazirligi 27 iyul kungi hisobotida Xerson oblastini tilga olmagan.
    Hector Adolfo Quintanar Perez / ZUMA Press Wire / Scanpix / LETA

    Ukrainalik harbiy Rossiya pozitsiyalaridan bir necha kilometr masofadagi vayrona binoda dron uchirishga tayyorlanmoqda.
    Hector Adolfo Quintanar Perez / ZUMA Press Wire / Scanpix / LETA
    Ukraina QK jangchilari RF armiyasi pozitsiyasi tomon dron uchirmoqda
    Hector Adolfo Quintanar Perez / ZUMA Press Wire / Scanpix / LETA
    Ukrainalik harbiylar dron parvozini kuzatmoqda
    Hector Adolfo Quintanar Perez / ZUMA Press Wire / Scanpix / LETA

    Rossiyada temiryo‘lda portlash uyushtirgan ukrainalik 22 yilga qamaldi 

    Ukrainaning Slovyansk shahridan bo‘lgan santexnik Sergey Belavin 2022 yil 9 iyulida Bryansk oblastidagi temiryo‘lning Robchik — Peschanka peregonida ro‘y bergan portlash ishi bo‘yicha 22 yil muddatga ozodlikdan mahrum etildi. Tergov ma’lumotlariga ko‘ra, 2019 yilda Belavin «Ukraina bosh razvedka boshqarmasi vakillari tomonidan yollangan va pul mukofoti evaziga uning rahbarligidagi guruh tarkibiga kirgan». «Kommersant»ning yozishicha, ukrainalik o‘z aybiga iqror bo‘lgan.
    Anatoliy Jdanov / Kommersant / SIPA USA / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    10:11

    Germaniya Ukrainada halok bo‘lgan 10 fuqarosi haqida ma’lumotga ega

    09:31

    Yevropa Baydendan ketishidan oldin Ukrainaga yordamni oshirishni so‘ramoqda

    17:24 / 14.11.2024

    The Times: Kiyev bir necha oy ichida oddiy atom bombasini yaratishi mumkin

    16:08 / 14.11.2024

    Blinken: AQSh Tramp kelishidan oldin Ukrainaga yordamni kuchaytiradi