Milliy kutubxona 24/7 rejimida ishlashni vaqtincha to‘xtatdi
Bu kuz-qish mavsumida elektrni tejash va boshqa qator sabablarga ko‘ra vaqtinchalik ekani aytilmoqda.
20 oktyabrdan Alisher Navoiy nomidagi O‘zbekiston Milliy kutubxonasi sutkasiga 24 soat, haftasiga 7 kun uzluksiz ishlash rejimini to‘xtatdi. Ma’muriyatning ma’lum qilishicha, bunday qaror kuz-qish mavsumida elektrni tejash, tunda ishlash uchun qo‘shimcha shtatlar ajratilmagani, shuningdek, foydalanuvchilarni nazorat qilish imkoni cheklangani uchun qabul qilingan.
«Kuz-qish mavsumida elektr energiyasi sarfini birmuncha iqtisod qilish va kichik personalida (farroshlar) mavjud vakant ish o‘rinlarini to‘ldirish, kuz-qish mavsumida binodagi garderob faoliyatini yo‘lga qo‘yish imkoniyati mavjud emasligini e’tiborga olib, Milliy kutubxona tungi smenada faoliyat olib borishni mavsumiy (vaqtincha) to‘xtatib, foydalanuvchilarga xizmat ko‘rsatish vaqtini soat 8:00 dan 21:00 gacha etib belgiladi», deyiladi xabarda.
Yangi tartibga ko‘ra, kutubxona 8:00 dan 21:00 ga qadar, dam olish (shanba va yakshanba) kunlari esa 9:00 dan 17:00 ga qadar kitobxonlarni qabul qiladi.
Kutubxona uzluksiz faoliyatini qachondan qayta boshlashiga aniqlik kiritilmagan.
Eslatib o‘tamiz, Milliy kutubxona 2022 yilning 1 noyabridan tunu kun ishlay boshlagandi.
Mavzuga oid
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024
Toshkentda tezligi yuqori BYD maktab o‘quvchisini urib yubordi
18:58 / 19.09.2024
Toshkentda issiqlik energiyasi va issiq suv tariflari oshiriladi
19:38 / 18.09.2024