Moskvadan Toshkentga uchishi kerak bo‘lgan samolyot parvozi kechiktirildi

Moskva – Toshkent yo‘nalishi bo‘yicha 7 noyabr kuni amalga oshirilishi kerak bo‘lgan HY602 reysi texnik sabablarga ko‘ra jo‘nab ketish aeroportida (Domodedovo) kechiktirildi.

Uzbekistan Airways xabariga ko‘ra, aviakompaniyaning texnik mutaxassislari havo kemasini parvozga tayyorlash bo‘yicha ish olib bormoqda. 

Qayd etilishicha, yo‘lovchilarining bir qismi mehmonxonaga joylashtirilgan. Yo‘lovchilarga, shuningdek, kompensatsiya xizmatlari ham taqdim etilgan.

Parvoz vaqti haqida ma’lumot qo‘shimcha ravishda taqdim etilishi aytilgan.