Samarqandda ikki nafar soliqchi qamaldi
Ular tadbirkorning noreal qarzini o‘chirib berish evaziga 1000 dollar talab qilib, pullarni olayotganda ushlangan.
Samarqandda ikki nafar soliq xodimi pora olgani uchun qamaldi. Bu haqda Oliy sud matbuot kotibi xabar bermoqda.
Ma’lum bo‘lishicha, Samarqand tumani soliq inspeksiyasi xodimi Bulung‘ur tumanida tadbirkorlik bilan shug‘ullanuvchi tadbirkorga soliqlardan asossiz hisoblangan qarzdorlikni kamaytirishda yordam berishini aytadi.
Soliqchi ushbu “xizmati” evaziga 1000 dollar talab qiladi. So‘ng Bulung‘ur tumani soliq inspeksiyasida kameral soliq tekshiruvlari shu’basi boshlig‘i lavozimida ishlovchi tanishini sherik qiladi.
Soliqchi Samarqand shahridagi kafelardan birida tadbirkordan “xizmat haqi” sifatida 500 dollar olayotganda ashyoviy dalillar bilan ushlanadi.
Jinoyat ishlari bo‘yicha Samarqand shahar sudida o‘tkazilgan sud majlisida soliq xodimlariga hukm o‘qilgan. Ularning ikkalasi ham Jinoyat kodeksining 210-moddasi (pora olish) 2-qismi “v” bandi bilan aybdor deb topilib, 5 yilga ozodlikdan mahrum qilingan.
Mavzuga oid
14:27
Samarqanddagi YTHda piyoda halok bo‘ldi
12:21 / 07.10.2024
Samarqandda sodir bo‘lgan YTHda haydovchi halok bo‘ldi
14:57 / 06.10.2024
Samarqandda yangi 1 800 o‘rinli maktab binosi sifatsiz qurilayotgani aniqlandi
07:15 / 02.10.2024