New York Times: «Klintonning prezident bo‘lmasligi - NBA o‘yinchisining qo‘riqlanmayotgan savatga to‘p tashlay olmasligiday gap»

AQSh prezidentligiga demokratlar partiyasidan nomzodi ko‘rsatilgan Hillari Klinton prezidentik poygasida juda katta ustunlikka ega bo‘lmoqda. Bu haqda The New York Times xabar bermoqda.

Manbada aytilishicha, bu borada o‘ziga xos so‘rovnoma o‘tkazilgan va unda qatnashganlarning 76 foizi Klinton xonimning g‘alaba qozonishiga, 24 foizi esa respublikachi Donald Tramp g‘alaba qozonishiga ishonch bildirgan. Gazeta ma'lumotiga ko‘ra, 15 shtatda Klinton deyarli qiyinchiliksiz g‘alaba qozonadi va bu ustunlik saylovlarning oxirigacha saqlanib qoladi.

«Tayms» Klintonning prezident bo‘lolmasligini NBA basketbolchisining qo‘riqlanmayotgan savatga to‘p tashlay olmasligiga o‘xshatgan.