Qozog‘istonlik bokschi Levitga oltin medal uchun tayinlanadigan mukofot puli beriladigan bo‘ldi 

Rio- de-Janeyroda o‘tayotgan Olimpiada o‘yinlari finalida yutqizgan qozog‘istonlik bokschi o‘z mamlakatidan oltin medalga teng mukofot oladigan bo‘ldi. Bu haqda Qozog‘iston boks federatsiyasi matbuot xizmati ma'lum qilgan.

Levit final bahsida rossiyalik bokschi Yevgeniy Tishchenko ga 0-3 hisobida imkoniyatni boy bergan edi.

"Levit Olimpiada final bahsida ajoyib natija va g‘alab uchun o‘z irodasini namoyish etdi. U kumush medal sohibiga aylandi va 150 ming dollar miqdorida mukofotga ega bo‘ldi. Qozog‘iston boks federatsiyasi prezidenti Timur Kuliboyevning qarori bilan unga yana 100 ming dollar qo‘shib beriladigan bo‘ldi. Ikkalasini qo‘shganda Levit oltin medal uchun beriladigan mukofot qiymatiga ega bo‘ldi", - deyiladi matbuot xizmati xabarida.