Misr hukumati Qizil dengizdagi akulalar xavfidan ogohlantirdi

Misr atrof-muhitni muhofaza qilish masalalari bo‘yicha vaziri Xolid Fahmiy sayyohlarni akulalar xavfidan ogohlantirdi, deb xabar bermoqda Youm7.

Vazir Qizil dengiz bo‘yidagi Sharm-al-Shayx kurort shahri hududida olingan va ijtimoiy tarmoqlarda tarqalgan qisqa video yuzasidan xavotir bildirdi. Videoda himoyaga ega bo‘lmagan dayver-sayyohlar katta akulani taqib qilishgani tasvirlangan.

Fahmiyning aytishicha, bu odamlar uzunqanotli akulalar turidagi yirtqich bilan o‘ynashib, "farosatsizlik" qilishgan. Bu turdagi akula odamlar uchun xavfli va juda ham tajovuzkordir.