Xorazmlik onkologlar Turkiyada ishlab chiqarilgan qurilmalar oldilar

Turkiya hamkorlik va koordinatsiya agentligi (TİKA) Respublika ixtisoslashgan urologiya markazining Xorazm viloyatidagi onkologiya dispanseriga tibbiy qurilmalar taqdim qildi.

Agentlikning xabarida aytilishicha, Anqara urologiya klinikasi shifokori, O‘zbekistonda TİKA va Sog‘liqni saqlash vazirligi hamkorligi doirasida bo‘lgan Yilmaz Aslan shifoxonaga berilgan barcha qurilmani tekshiruvdan o‘tkazgan.   

Turkiyalik mutaxassis shifoxona xodimlariga asboblar va qurilmalardan foydalanish bo‘yicha axborot bergan va ikki o‘zbek shifokori, jumladan urologiya markazi shifokori bilan ikki nafar bemorning operatsiya qilinishida ishtirok etgan. 

Bu turk agentligining O‘zbekistondagi birinchi xayriya aksiyasi emas. Agentlik "Sog‘lom avlod uchun" xayriya jamg‘armasi bilan kelishuv asosida jamg‘armaning Samarqand viloyatidagi filiali tibbiy-ijtimoiy yordam mobil brigadasiga "Peugeot" rusumidagi "Mobil klinika" mashinasini taqdim qilgandi.