Tataristonda turna ko‘lni chiqindilardan tozalamoqda

Tatariston poytaxti Qozon aholisi muzdan erigan Kaban ko‘lini turna chiqindilardan tozalayotgani videosini tasvirga olishdi. Bu rolikka Kazanfirst nashri e'tibor qaratdi.

Jurnalistlarning ta'kidlashlaricha, 2015 yilda Qozon meriyasi ko‘lda bir nechta turnalarni joylashtirishga qaror qilgan. Ko‘lda turnalar paydo bo‘lgach mahalliy OAV bu qushlar, ular qanday qilib polaponlarini kutganlari, ular uchun isitgichlar o‘rnatilgani haqida muntazam ravishda maqolalar yoza boshladi.

Rolikka berilgan izohlarda turna odamlardan ko‘ra ozodaroq ekanligi aytilgan. Foydalanuvchilardan biri esa bu urg‘ochi turna bo‘lib, in qurish uchun joy tozalamoqda, deb vaziyatga tushuntirish bergan.