16 yoshli o‘smir 111 ta beton blokni 35 soniyada parchalab tashladi

Txekvondo bo‘yicha chempion, 16 yoshli bosniyalik Karim Axmatspaxik beton bloklarni bosh bilan urib sindirish bo‘yicha jahon rekordini o‘rnatdi. O‘smir 35 soniya ichida 111 ta beton blokni parchalab tashladi. Uning bu natijasi Ginnes rekordlar kitobi komissiyasi tomondan qayd qilindi. Ushbu rekord qayd qilingan video Daily Mail nashri tomondan namoyish qilindi.

Karim beton bloklarni tez sindirish uchun antiqa usul qo‘llagan: u boshi uzra umbaloq oshib 6 tadan taxlangan bloklarga zarba bergan. O‘smir rekordni o‘rnatgach unda yana kuch saqlanib qolganini aytgan. "Men bunga erishishimda yordam bergan barchaga – ota-onam va murabbiyimga rahmat aytmoqchiman", deb aytgan rekordchi o‘smir.