Qashqadaryoda ikkita «Kamaz» to‘qnashdi, bir haydovchi vafot etdi

Kecha soat 17:00 da Qashqadaryo viloyati Kitob tumani Qaynar qishlog‘i yaqinida ikkita "Kamaz" rusumli yuk mashinalarining bir-biri bilan to‘qnashuvi oqibatida bir haydovchi vafot etgan, ikkinchisi esa kasalxonaga yotqizilgan.

1news.uz’ning xabar berishicha, hodisa M-39 yo‘lida sodir bo‘lgan bo‘lib, dovondan tushib kelayotgan bo‘sh "Kamaz"ni g‘isht ortib kelayotgan boshqa "Kamaz" orqasidan kelib urgan. Kuchli zarba natijasida bo‘sh "Kamaz" yo‘l o‘rtasidagi beton to‘siqdan oshib o‘tib narigi yonga o‘tib ketgan.

Orqadan urgan haydovchi YTH joyida vafot etgan. Ikkinchisi zudlik bilan mahalliy kasalxonalarning biriga yotqizildi.