AIBA kongressi 12 noyabrda rahbariyatni almashtirish masalasini muhokama qiladi

Xalqaro Boks assotsiatsiyasi kongressi tashkilotning hozirgi rahbariyati va prezidenti Ching-Kuo Vuning ehtimoliy iste'fosini navbatdagi yig‘ilishida muhokama qiladi. U 12 noyabrda Dubayda bo‘lib o‘tadi. Bu haqda AIBA matbuot xizmati xabar qilmoqda.

Ta'kidlanishicha, AIBA kongressining ushbu tashabbusi tashkilotning moliyaviy muammolari bilan bog‘liq. Xususan, AIBA vitse-prezidenti Franko Falchinelli Vuni shaffof emaslikda aybladi.
 
Shuningdek, 23 sentabrda tashkilot ijroiya qo‘mitasining navbatdan tashqari kengashi bo‘lib o‘tishi rejalashtirilgan, unda AIBA moliyaviy muammolari muhokama qilinadi. 

Eslatib o‘tamiz, 25 iyulda AIBA ijroiya qo‘mitasi assotsiatsiya prezidentiga ishonchsizlik bildirgan edi. 

Ma'lumki, shu kunlarda Germaniyaning Hamburg shahrida boks bo‘yicha AIBA World Championship-2017 turniri bo‘lib o‘tmoqda.