Puchdemon qayerdaligi ma'lum bo‘ldi

Kataloniya jyeneralitetining sobiq rahbari Karles Puchdemon va ishdan bo‘shatilgan boshqa amaldorlar Bryusselga kelgan. Bu haqda Reuters agentligi mahalliy nashrlarga asoslangan holda xabar tarqatgan.

Taxmin qilinishicha, ular o‘z holatlari bo‘yicha yaqin vaqt ichida bayonot berishadi.

Puchdemonning Instagram tarmog‘idagi obunachilari u qo‘ygan oxirgi surat - osmon suratini tushunishga urinishmoqda. U bu suratni Bryuselda turib sahifasiga joylashtirgani aytilmoqda.

Bundan avvalroq Belgiya bosh vaziri Sharl Mishel Puchdemonga boshpana berilishi masalasi kun tartibida turmagani haqida aytib o‘tgandi.