JSST: har yili 650 ming kishi gripp bilan aloqador kasalliklar qurboni bo‘ladi

Jahon sog‘liqni saqlash tashkiloti mavsumiy gripp bilan bog‘liq nafas olish yo‘llari kasalliklaridan vafot etayotganlar sonini qayta ko‘rib chiqdi. Ekspertlarning yangi hisobotiga ko‘ra, bu kabi xastaliklardan yiliga avvalgidek 500 minggacha emas, balki 650 ming kishi hayotdan ko‘z yumadi. 

Jyenevada e'lon qilingan hisobotda aytilishicha,  JSST, AQSh kasalliklarni nazorat qilish va oldini olish Federal markazi (Centers for Desease Control and Prevention, CDC) va ularning hamkorlari o‘z xulosalarida yaqinda o‘tkazilgan tibbiy tadqiqotlar natijalariga asoslanishmoqda. 

Ta'kidlanishicha, nafas olish yo‘llari kasalliklaridan vafot etayotganlarning aksariyati 75 yoshdan kattalardir. Bundan tashqari, sayyoraning qashshoq o‘lkalarida yashovchilar ham gripp bilan bog‘liq kasalliklar qurboni bo‘lishadi.