2018 yilgi Olimpiada ishtirokchilariga maxsus Galaxy Note 8 smartfonlari sovg‘a qilinadi

Janubiy Koreyaning Pyongchangida o‘tadigan 2018 yilgi qishqi Olimpiadaning rasmiy hamkori Samsung Electronics Co. Olimpiadaga tashrif buyuruvchi sportchilar va Xalqaro Olimpiya qo‘mitasi vakillariga cheklangan miqdorda chiqarilgan, maxsus Galaxy Note 8 smartfonlarini sovg‘a qiladi. Bu haqda “Ryonxap” axborot agentligi xabar bermoqda.  

Ta'kidlanishicha, bu maqsadda Olimpiya mavzusida bezalgan 4 mingta gadjyet chiqariladi. Smartfonlar oq rangda bo‘ladi va orqa paneliga tillarang Olimpiya halqalari tushiriladi. 

Kompaniyada ma'lum qilinishicha, qurilmalarda Olimpiada mavzusidagi fonlar hamda 2018 yilgi Olimpiada haqida ma'lumot topish mumkin bo‘ladigan dastur o‘rnatilgan bo‘ladi.