Misrda prezident saylovlariga kelmaydiganlarga jarima solinadi

Misr hukumati mamlakat prezidenti saylovlarida ovoz bergani kelmaydigan fuqarolarga jarima soladi. Bu haqda yuqori lavozimli mansabdor shaxsga iqtibos keltirgan holda MeNA axborot agentligi ma'lum qildi.   

“Qonunga ko‘ra, prezident saylovlarida ovoz berishdan bosh tortuvchi har bir saylovchiga 500 Misr funti (30 dollar) miqdorida jarima solinishi mumkin”, deb ma'lum qilgan manba.

Uning ta'kidlashicha, gap saylovchilar ro‘yxatiga kiritilgan va saylov uchastkasiga uzrli sababsiz kelmagan saylovchilar haqida bormoqda. 

Misrda 26 martda 3 kun o‘tuvchi prezident saylovlari boshlandi. Saylovchilar ro‘yxatiga mamlakatning 60 mln fuqarosi kiritilgan. Misrda 13 mingtadan ko‘proq saylov komissiyalari faoliyat yuritmoqda. Saylovlar 28 mart kuni mahalliy vaqt bilan soat 21:00da tugaydi.  

Misr prezidenti lavozimiga 2 nomzod: amaldagi prezident Abdul Fattoh as-Sisiy hamda “Al-Gad” partiyasi yetakchisi Muso Mustafo Muso da'vogarlik qilmoqda. 

Saylovlar natijalari 2 aprelda ma'lum qilinishi kutilmoqda.