Qudratillo Abduqahhorov va Shohjahon Ergashev reytingda yuqoriladi

Shohjahon Ergashev va Qudratillo Abduqahhorov
Professional boksda faoliyatini davom ettirayotgan o‘zbekistonlik bokschilar Shohjahon Ergashev va Qudratullo Abduqahhorov bokschilarning aprel oyi uchun chiqqan reytingida yuqoriladi.
Super yengil (-63,5 kg) vazn toifasining WBA yo‘nalishida janglarda ishtirok etayotgan Shohjahon Ergashev aprel oyi uchun reytingda yana ikki pog‘ona yuqorilab, 7-o‘rinda qayd etildi. Ammo Shohjahon Ergashev noma'lum sababga ko‘ra, ushbu vazn toifasining WBC, WBO va IBF yo‘nalishlari reytingidan hamon o‘rin olmagan. Mazkur yo‘nalishlarning kuchli 50 sportchisi ro‘yxatida Ergashevning ism-sharifi yo‘q.
Yarim o‘rta (-66,68 kg) vazn toifasida ringga chiqadigan Qudratullo Abduqahhorov esa Ergashevdan farqli ravishda deyarli barcha yo‘nalish reytinglarining yuqori pog‘onasida bormoqda. WBAda Abduqahhorov yangi reyting bo‘yicha 8-o‘ringa joylashgan bo‘lsa, eng nufuzli yo‘nalish sanalgan WBCda u 4-o‘ringa ko‘tarilib oldi va endilikda chempionlik kamariga birinchi da'vogar bilan ringga chiqish imkoniyatini qo‘lga kiritdi. IBF yo‘nalishida Abduqahharov 8-o‘rinda bormoqda. Hozircha WBO yo‘nalishi bo‘yicha reytingning kuchli 15taligida Qudrattilo qayd qilinmagan.
Eslatib o‘tamiz, Abduqahharov (14 g‘alaba-0 durang-0 mag‘lubiyat, 9 nokaut) mart oyida vengriyalik Laslo Tot ustidan g‘alaba qozonib, o‘zining WBC kumush kamarini himoya qilgan bo‘lsa, Shohjahon Ergashev (12 g‘alaba, 0 mag‘lubiyat, 11 nokaut) 28 aprel kuni xitoylik Jiming Vangni (10 g‘alaba-3 mag‘lubiyat-0 durang, 3 nokaut) mag‘lubiyatga uchratib WBA International kamari sohibiga aylangandi.
Tavsiya etamiz
Qimmatga tushgan liposaksiya: blogerni kimlar operatsiya qildi?
Jamiyat | 19:22 / 04.04.2025
NYT Germaniyadagi «urush ofisi» haqida surishtiruv e’lon qildi
Jahon | 15:18 / 04.04.2025
Minbardagi 25 soat: senator Buker nega bunday qildi?
Jahon | 22:47 / 03.04.2025
O‘zbekistonning 9 ta viloyatida sel xavfi e’lon qilindi
O‘zbekiston | 22:24 / 03.04.2025
Mavzuga oid

10:08 / 28.07.2024
Shohjahon Ergashev yana yutqazdi

09:02 / 29.03.2024
Shohjahon Ergashev panamalik bokschini nokautga uchratdi

09:20 / 26.11.2023
Shohjahon Ergashev kamar uchun ilk jangida texnik nokautga uchradi

21:18 / 18.03.2022