Microsoft 8999 dollarlik planshetning yangi versiyasini taqdim etdi
Microsoft kompaniyasi o‘zining devorga osiladigan kompyuteri ikkinchi avlodi - Surface Hub’ni taqdim etdi. U korporativ foydalanishga mo‘ljallangan.
2016 yilda chiqarilgan kompyuterning birinchi avlodi diagonali 55 va 84 dyuym, tiniqligi 1080r bilan taqdim etilgan bo‘lsa, Surface Hub 2 esa 50,5 dyuymli form-faktorda, tomonlar nisbati 3:2 hamda 4K+ tiniqlikda taklif etiladi. Displey endi ham gorizontal, ham vertikal pozitsiyada bo‘lishi mumkin. Uzoqdan ovozni qabul qiluvchi mikrofonlar, aylantiriluvchi 4K-kamera, dinamiklar va barmoq izlari skaneri ham nazarda tutilgan. Bularning bari Windows 10’da ishlaydi.
Ishlab chiqaruvchi Surface Hub 2 haqida batafsil ma'lumotlarni hozircha oshkor qilmadi. Microsoft taxminiy narxni ham bildirmadi, biroq ta'kidlanishicha, sotuvlar 2019 yilda boshlanishi rejalashtirilgan. Surface Hub’ning birinchi avlodi 8999 dollar turgan.
Mavzuga oid
20:38 / 18.09.2024
Microsoft ijtimoiy tarmoqlarda Kamala Harrisni qoralashga qaratilgan «Kreml botlari» faollashganini aniqladi
12:47 / 24.07.2024
“Bizda litsenziyali dastur ishlatadiganlar kam” - Windows'dagi uzilish nega O‘zbekistonni chetlab o‘tdi?
15:00 / 23.07.2024
Microsoft’dagi global uzilishdan so‘ng vaziyat normal holatga qaytdi
11:48 / 22.07.2024